beta 2 249

بالصور.. مياه الصرف تغرق مستعمرة السد العالي.. والأهالي يلجأون للسواتر الترابية 📷

0

أفادنا المواطن إسلام سيد عبد السميع، من أسوان، عبر خدمة «واتس المصري اليوم» التي تتلقى أخبار وصور المواطنين لما يحدث حولهم وتنشر على موقع «شارك»، بصوره التي التقطتها لمنطقة كيما بعمائر مستعمرة السد العالي، وتُظهر طفح مياه المجاري ومحاصرتها للعقارات.

ويقول إسلام في رسالته لنا: «الصور اللى انتو شايفينها دي في أسوان وبالتحديد في منطقة كيما، عماير مستعمرة السد العالي، ودى مياه مجاري بنعاني منها بقالنا أكتر من سنتين، لكن السنة دي زادت عن حدها خالص والمياه دخلت كل البيوت اللى في الدور الأرضي».

ويضيف إسلام: «الناس كلها لمت فلوس من بعض وعملنا ساتر ترابي للعماير عشان متدخلش تاني، برغم كدا في ميه بتعدي من كترها وبتخترق الساتر الترابي وتعبنا من كتر ما اشتكينا ومحافظ أسوان مصطفى يسرى جه بنفسه وشاف الميه دى ويدوب اتصلحت أسبوع ورجعت أنيل وأكتر من الأول ومش عارفين نعمل ونشتكى لمين دا والمشكله دى كلها من محطة صرف صحي 10 بكيما.

كما يشكو المواطنون انتشار «الناموس وصوت الضفادع والريحة الزفت والقرف والزبالة، كل دا كوم تاني و جبنها آخرنا إحنا، ولحد وقتنا هذا المياه شغالة ومش بتقف، دا غير إن في مولدات كهرباء وعواميد نور واللى تحتيهم كمية مياه رهيبة والعماير اللي محاطه بالمياه ممكن تقع في أي لحظة، يعني إحنا قدام كارثة كهرباء وسقوط فياريت حل للمشكله اللي بتموتنا في اليوم 100 مرة دى».

كيما أسوان ـ 2015/8/20

🔴 من أي مكان في مصر أو خارجها شاركونا صوركم وفيديوهاتكم 📷 وتغطيتكم الحية للأحداث العاجلة حولكم أو مشكلات يومية وقضايا الفساد والانتهاكات واللفتات الإنسانية، إضافة لفنون الكاريكاتير عبر تسجيل حساب على موقع «شارك» أو أرسلوها عبر خدمة «واتس آب المصري اليوم» على الرقم01116006007 وبريدنا d1cat463z4dmx8.cloudfront.net أو من خلال نافذة «شـارك» على تطبيق المصري اليوم موبايل.. كما يمكنكم الاتصال مباشرة بخط خدمة قراء المصري اليوم (16533).. معكم أينما كنتم.

مياه الصرف تغرق عمارات مستعمرة السد العالي.. والأهالي يلجأون للسواتر الترابية مياه الصرف تغرق عمارات مستعمرة السد العالي.. والأهالي يلجأون للسواتر الترابية مياه الصرف تغرق عمارات مستعمرة السد العالي.. والأهالي يلجأون للسواتر الترابيةمياه الصرف تغرق عمارات مستعمرة السد العالي.. والأهالي يلجأون للسواتر الترابية

 


مشاركات متعلقة

لا يوجد مشاركات متعلقة كن الأول و أضف مشاركة تابعة

اترك تعليق